Siglir tar il cuntegn

Surselva Glion communitgescha

Il pled communicaziun è sta en il center da la saira d’infurmaziun per las fracziuns da Glion. Igl è sta in giavisch dal parlament da far quellas seras d’infurmaziun e la suprastanta è stada pronta da far quai.

80 persunas ha laschà infurmar sur dals fatgs da la vischnanca.
Legenda: 80 persunas ha laschà infurmar sur dals fatgs da la vischnanca. RTR, L. Livers
Purtret d'Aurelio Casanova, il president da la vischnanca da Glion
Legenda: Aurelio Casanova sto e vul meglierar la communicaziun RTR, L. Livers

Ins pudess crair che la vischnanca da Glion haja in problem da communicaziun. Quai saja dentant betg il cas, manegia Aurelio Casanova, il president da la vischnanca da Glion.

Novas vias per infurmaziun

Las 13 fracziuns che eran pli baud vischnancas independentas eran simplamain disadas auter.

La populaziun interessada che visitava las radunanzas vegniva infurmada a moda directa. Entras quai n’enconuschan els betg il sistem da parlament sin palancau da vischnanca. Ussa dovra quai in’autra via per vegnir tar las infurmaziuns. Uschia èsi vegnì declerà a la populaziun.