Siglir tar il cuntegn
cuntegn

Surselva Glion: approvà mo per part preventiv

Il parlament da la vischnanca da Glion ha approvà il preventiv per l'onn 2018. Quei preventiv era vegnì refusà la fin november ed è ussa approvà, dentant senza las spartas furmaziun e la selvicultura.

Il parlament da la vischnanca da Glion ha approvà mo ina part dal preventiv 2018.
Legenda: Il parlament da la vischnanca da Glion ha approvà mo ina part dal preventiv 2018. RTR, Linus Livers

Scleriments tar l'uffizi da vischnancas han mussà ch'igl ei pussaivel da approvar in preventiv mo parzialmain. Perquai san las duas incaricas da spargnar vegnir scleridas entras ina cumissiun predeliberanta.

La nova presidenta da la vischnanca da Glion, Carmelia Maissen ed il prsident dal parlament, Lorenz Alig en ina discussiun animada.
Legenda: La nova presidenta da la vischnanca da Glion, Carmelia Maissen, ed il president dal parlament, Lorenz Alig, en ina viva discussiun. RTR, Linus Livers

Las duas incaricas da spargnar era vegnidas surdadas la fin november a la suprastanza cun l'incumbensa da spargnar 5% tar las expensas per la furmaziun e da l'autra vart sto la sparta selvicultura mussar in quint equilibrà quei che munta ch'i sto vegnir spargnà 120‘000 francs.

Las entradas ed expensas exactas dal preventiv n'èn entras quai anc betg enconuschentas e vegnan preschentadas per ils 15 da schaner.

Lorenz Alig nov president dal parlament

Ultra dal preventiv ha il parlament anc gì d'eleger: Il parlament da Glion ha elegì Lorenz Alig da Pigniu sco nov president dal parlament da la vischnanca. Quai per ina perioda d’uffizi da dus onns. Sco vicepresident ha il parlament elegì Claudio Quinter da Glion.

RR actualitad 11:00