Avant dus onns èn duas scolaras e sis scolars sa decidids da far questa matura bilingua. Sper il rom englais han els frequentà ils roms fundamentals matematica e chemia, il rom d’accent economia e dretg ed il rom cumplementar istorgia en englais (instrucziun immersiva). En tut ston ils scolars cumprovar ch’els han gì 800 lecziuns en instrucziun immersiva.
Schanzas creschan en la concurrenza (inter)naziunala
Cun questa cumpetenza linguistica creschian las schanzas en la concurrenza (inter)naziunala per ina plazza attractiva, scriva il gimnasi ed internat da la claustra da Mustér. Cun la matura bilingua tudestg-englais possian els preparar scolaras e scolars il meglier pussaivel sin las sfidas actualas e futuras dal studium che vegnia pli e pli internaziunals. E quai saja ina contribuziun per realisar la strategia da furmaziun: francar regiunal e crescher (inter)naziunal – Via Mustér a las meglieras universitads.
RR novitads 21:00