Siglir tar il cuntegn
Inhalt

Surselva Gimnasi da la claustra da Mustér cun dapli scolars dal exteriur

En futur derivan diesch per tschient dals scolars che frequentan il gimnasi da la claustra da Mustér ord l’exteriur.

Il bajetg dal gimnasi da la claustra da Mustér.
Legenda: Il bajetg dal gimnasi da la claustra da Mustér. RTR

Proxim glindesdi cumenza er la scola al gimnasi da la claustra da Mustér. En tut vegnan 181 scolaras e scolars a cumenzar la scola. Otg dad els derivan ord la China e diesch ord dad autras naziuns. Quai rapporta l'agentura da novitads rumantscha ANR.

Tenor il rectur dal gimnasi Bruno Hensler saja quest svilup en il rom da las aspectativas. Els sajan dentant vinavant averts per scolaras e scolars ord la regiun ma pass per pass veglian els avrir las pussaivladads a buns scolars ord l’exteriur da frequentar il gimnasi a Mustér, ha ditg Hensler a l’ANR.

Il dumber actual da total 181 scolaras e scolars è lev pli auts che anc l’onn passà. La finamira è da tegnair il dumber da scolaras e scolars tranter 160 e 200.

RR novitads 17:00