Siglir tar il cuntegn

Header

cuntegn

Surselva Gea a nova illuminaziun da vias

Las vischnancas da Schluein e Saas din gea a credits per modernisar l’illuminaziun da vias cun in sistem da LED. Omaduas vischnancas han plinavant anc approvà divers auters projects.

Schluein:

A Schluein ha la radunanza communala decis venderdi da reveder parzialmain la lescha da taglia. Tranter auter n'exista uschia betg pli l'allianza da taglia cun il cumin da la Foppa.

Il suveran ha plinavant approvà in credit da 230’000 francs per il nov concept d'illuminar la via tras vischnanca cun in sistem da LED.

Plinavant han ils da Schluein dà glisch verda ad in credit da 100’000 francs per il project da parcadis nov cun in indriz da rimnar rument.

Saas:

Er la vischnanca da Saas en il Partenz ha gì da decider davart l'illuminaziun da via. La radunanza communala ha ditg GEA ad in credit da 140’000 francs per modernisar quella cun la tecnologia da LED.

Las votantas ed ils votants han plinavant approvà mesiras per la protecziun d'aua grondas cun in credit dad 1,6 milliuns francs per construir 4 rempars.

Ils da Saas han er acceptà il credit necessari dad 1,2 milliuns per sanar la via forestala Ragoz-Albertina.

RR novitads 8:00

Artitgels legids il pli savens