Siglir tar il cuntegn

Header

cuntegn

Surselva Garantir provediment d'aua en Val Stussavgia

La regenza ha approvà il project «rempar d'aual en il Tällibach» ed ha concedì ina contribuziun chantunala da 443'500 francs. La finamira dal project è quella da garantir la protecziun dal provediment d'aua da la vischnanca da Val Stussavgia.

La vopna da la vischnanca da Stussavgia.
Legenda: La vopna da la vischnanca da Stussavgia. RTR

Il provediment d'aua Tenna saja periclità pervia da las activitads erosivas dal Tällibach, il letg da l'aual sa sbassa, scriva la Chanzlia chantunala. Tras quai possia vegnir a la glisch e possia vegnir destruì il conduct d'aua che traversa il Tällibach sutterranamain. Ultra da quai periclitescha l'erosiun laterala dal Tällibach il territori da funtaunas e las tschiffadas d'aua.

Sin basa da questas circumstanzas ha la vischnanca da Val Stussavgia incumbensà l'Uffizi da guaud e privels da la natira d'examinar e d'elavurar mesiras tecnicas per reducir la situaziun da privel.

Il territori vegn segirà cun construir uschenumnadas traversalas, quai èn craps a travers en il letg dal Tällibach.

Tenor la legislaziun forestala federala e chantunala ston ils chantuns segirar ils territoris, nua che la protecziun d'umans e da valurs materialas considerablas pretenda quai.

RR novitads 11:00

Artitgels legids il pli savens