Siglir tar il cuntegn

Header

Visualisaziun dals territoris da las vischnancas. Cun emojis èsi mussà tgi ch'è happy, tgi trist e tgi che na sa betg propi tge co cum.
Legenda: Sagogn e Laax vulan. RTR
cuntegn

Fusiun Laax/Sagogn Sche mo dus vulan, restan trais enavos

La fusiun giudim la Surselva na resguarda betg tut ils interessents.

Ils suprastants da Laax e Sagogn s’entaupan proximamain per in lavuratori. Pir suenter quella sentupada quintan els infurmar co i vesa ora cun ina eventuala fusiun tranter Laax e Sagogn.

Las vischnancas vischinas èn vegnidas orientadas che Laax e Sagogn avessan gust da fusiunar. Falera, Schluein e Flem n'èn dentant betg vegnidas envidadas da sa participar.

Falera:

Nus n'avain betg tractà quest tema en suprastanza perquai ch'i na dat nagina dumonda concreta.
Autur: Wendelin CasuttPresident da vischnanca Falera

Schluein:

Gia avant in onn hai jau dà da ponderar a las quatter vischnancas (senza Flem) da preparar ina fusiun.
Autur: Ralf SchläpferPresident da vischnanca Schluein

Flem:

Quai ston ils giuvens decider. Realistic il mument è ina buna collavuraziun, ins sa era lavurar ensemen bain senza ina fusiun.
Autur: Adrian SteigerPresident da vischnanca da Flem

Cifras da las vischnancas

Laax: 1'566 abitants, pe da taglia 58%

Sagogn: 673 abitants, pe da taglia 112%

Falera: 593 abitants, pe da taglia 70%

Schluein: 608 abitants, pe da taglia 70%

Flem: 2877 abitants, pe da taglia 80%

Ord l'archiv:

video
Fusiuns da vischnancas: L'exempel Laax, Falera, Sagogn e Flem
Or da Telesguard dals 25.01.2000.
laschar ir

RTR actualitad 12:00

Artitgels legids il pli savens

Scrollar a sanestra Scrollar a dretga