Siglir tar il cuntegn

Header

Navigaziun

Sumvitg
Legenda: Sumvitg RTR
cuntegn

Surselva Fusiun Cadi: Nagina decisiun dal pievel a Sumvitg e Medel

En las vischnancas da Sumvitg e Medel na vegn l’iniziativa per lantschar contractivas da fusiun en la Cadi betg tractada. Quai perquai ch’ella n’è suenter che Tujetsch ha refusà ella betg pli realisabla.

Uschia communitgescha la vischnanca da Sumvitg en il fegl uffizial che la radunanza communala dals 19 d’avrigl vegnia annullada, damai che quai fiss stà la suletta tractanda. Era la suprastanza da Medel ha ditg ch’ella na tractia betg ella radunanza communala l’iniziativa. Sco il president communal Peter Binz ha ditg, vegni dentant discutà a chaschun da la proxima radunanza communala (11.5.2017) davart ina collavuraziun ed ina strategia cun las autras vischnancas per ils proxims onns. Cunzunt sin il sectur da crear novas plazzas da lavur en la regiun. Peter Binz ha era ditg ch’ils iniziants vegnian envidadas a questa radunanza.

L’iniziativa che leva che las vischnancas da Tujetsch, Medel, Mustér, Sumvitg e Trun lantscheschian contractivas da fusiun era vegnida inoltrada en tut las tschintg vischnancas il december passà.

RR novitads 10:00