Il cussegl da vischnanca da Trun ha elegì, dasper da Flurin Decurtins sco president, Kurt Wolf sco vicepresident. Ultra da quai ha il cussegl da vischnanca era elegì la suprastanta Renata Decurtins-Deplazes sco vicepresidenta communala per la perioda d’uffizi 2015 fin 2017.
Plinavant ha il cussegl da vischnanca elegì pliras cumissiuns e delegaziuns. En la cumissiun da cultura èn sulettamain 2 da 4 sezs occupads, quai cun Renata Decurtins-Deplazes e cun Letizia Rensch-Tomaschett.
Il cussegl ha vischnanca ha era elegì il president communal Dumeni Tomaschett en il cussegl d’administraziun da la Campadi Trun SA, quai damai che la vischnanca è l’acziunaria principala. El remplazza Gion Simeon.