Siglir tar il cuntegn

Header

cuntegn

Surselva Flem quinta cun gudogn il 2017

Il preventiv da la vischnanca da Flem per il 2017 quinta cun in gudogn da radund 140’000 francs, quai tar entradas ed expensas da stgars 27 milliuns francs. La radunanza communala da Flem ha approvà il preventiv e decidì da laschar il pe da taglia sin 90% da la taglia chantunala simpla.

La vopna da la vischnanca da Flem.
Legenda: La vopna da la vischnanca da Flem. RTR

Las investiziuns nettas da la vischnanca da Flem muntan l’auter onn a bun 8 milliuns francs.

En tut impunda la vischnanca da Flem l’auter onn passa 3 milliuns francs per la renovaziun da vias communalas. Las grondas investiziuns dal 2017 pertutgan la sanaziun da la via da Casa d’Uaul sut.

Plinavant ha la vischnanca planisà da schlargiar la via da velo da Flem encunter Staderas. Dals custs da 1,1 milliuns francs surpiglia il chantun la mesadad. Er in milliun custa la renovaziun da la serenera.

RR novitads 11:00

Artitgels legids il pli savens