Siglir tar il cuntegn

Surselva Flem preschenta quint annual cun in gudogn

La vischnanca da Flem serra il quint per l’onn 2014 cun in gudogn da bunamain 220‘000 francs. Quai tar entradas da radund 30 milliuns francs.

Vitg da Flem
Legenda: La vischnanca da Flem po serrar il quint cun in surpli d'entradas da passa 200'000 francs. RTR, L. Livers

Sco la vischnanca da Flem scriva en il rapport annual, ha ella pudì far amortisaziuns supplementaras da 4,6 milliuns francs, quai grazia ad entradas supplementaras betg budgetadas. Tranter auter è quai 800’000 francs ord las taxas directivas per abitaziuns secundaras. La vischnanca da Flem ha ina facultad per persuna da 7’200, quai munta che la vischnanca ha ina reserva da 19 milliuns francs.

RR novitads 17:00