Surselva - Flem: Incendi destruescha staziun da muntogna Cassons
Sco che la polizia chantunala communitgescha sajan stads il glindesdi mastergnants vidlonder da demontar las installaziuns da la pendiculara ch'è dapi il 2015 ord funcziun. Blessads n'haja dà nagins.
Legenda:
Nagins blessads tar l'incendi –
la staziun sura da la pendiculara Cassons.
mad, polizia chantunala
2 / 3
Legenda:
Ils pumpiers da Flem eran cun 20 persunas sin il lieu per stizzar il fieu.
mad, polizia chantunala
3 / 3
Legenda:
Ils pumpiers èn vegnids sustegnids cun in helicopter tar las lavurs per stizzar il fieu.
mad, polizia chantunala
Pervi da l'aura nauscha avevan ils lavurers terminà lur lavurs pli adura ed eran sgulads a val a Startgels enturn las 15:00. Curt suenter las 17:00 hajan els remartgà, che la staziun sura da la pendiculara Cassons ardia. In helicopter spezial da da Swiss helicopter ha sinaquai cumenzà immediat da sgular aua dal lai d'accumulaziun a Nagens si tar l'incendi sin 2'650 meters sur mar.
Al medem mument èn partids ils pumpiers da Flem cun 20 persunas si vers Cassons. Els eran en acziun fin vers la saira las 22:00, rapportescha la polizia chantunala. Daco ch'i ha dà il fieu na saja anc betg enconuschent.
