Flem di gea a l'acquist da parcellas entras la vischnanca

Cun in surpli da radund 60% da las vuscha han las votantas ed ils votants da la vischnanca da Flem lubì la cumpra da pliras parcellas terren entras la vischnanca per in total da bunamain 5 milliuns francs.

La vopna da Flem.

Legenda da maletgs: La vopna da Flem. RTR

D'ina vart èn quai parcellas che duajan vegnir nizzegiadas sco parcellas da bajegiar per indigens. Da l’autra vart era ina parcella sper la nova chasa da scola, che duai pussibilitar il svilup da la scola a lunga vista.

Tenor il president communal Adrian Steiger è quai acquist fitg impurtant per la vischnanca, cunquai ch’ella na possedia quasi betg agen terren da bajegiar.

RR novitads 12:00