Siglir tar il cuntegn

Header

Navigaziun

Purtret da la halla da curling a Flem.
Legenda: La halla da curling a Flem mida possessur per 3.95 milliuns francs. Nov posseda la vischnanca da Flem ella. RTR, Linus Livers
cuntegn

Surselva Flem cumpra halla da curling

Il suveran da Flem ha decis che la vischnanca cumpra la halla da curling per 3.95 milliuns francs.

Decisiun clera

Cun 681 gea tar 338 na è la decisiun da cumprar la halla da curling da Flem stada clera. Sis vuschs n'èn betg stadas valaivlas e 19 èn stadas vidas. La participaziun tar la votaziun è tar 59,9%.

Bajegià il 2009

La halla che po era vegnir utilisada per events e congress stat dapi il 2009. La construcziun ha da lez temp custà circa 12.5 milliuns francs e la possessura era la Waldhaus Flims AG ch'è ida concurs l’avigl 2015.

Pliras midadas da possessurs

Suenter ha la ZCG Swiss Hospitality GmbH tranter auter surpiglià la halla da curling che vegn era numnada «Waldhaus Arena». Il davos era dentant la Miraselva Immobilien AG la possessura da la halla. Quai era la fatschenta che ha fatg l'offerta a la vischnanca da Flem. Represchentada vegn la Miraselva Immobilien AG da Sandro Hofmann e Reto Durisch ch'abitan a Flem.

Era ils ulteriurs projects da votaziun ha il suveran approvà

  • Lescha da rument: approvada cun 840 tar 122 vuschs
  • Parcellas per indigens: approvà cun 663 tar 266 vuschs
  • Statuts da Flem Trin Forst: approvà cun 960 tar 55 vuschs

RR novitads 11:00