Ils iniziants pretendan ch'il center da sport vegnia mantegnì en sia furma existenta, inclusa la halla da glatsch, che la gestiun vegnia manada vinavant senza interrupziuns e ch'ils stabiliments vegnian renovads e cumplettads per ademplir er en l'avegnir ils basegns dals sportists, indigens e turists.
En il scriver dals iniziants pon ins plinavant leger che l'iniziativa saja il proxim pass. Quai suenter che la vischnanca aveva respundì sin ina petiziun da la cuminanza d'interess, da vulair realisar il resort d'hotel da luxus senza midadas. Entaifer trais mais vulan ils iniziants uss rimnar las 250 suttascripziuns necessarias.
RR novitads 18:00+
