Success ha la Banca Raiffeisen Surselva era gì en la fatschenta cun ipotecas cun ina carschen da 3,8% sin 401'571'006 fr. Plinavant è la fatschenta da cumissiuns e servetschs (+9%) sco era la fatschenta da commerzi (+26,4%) stada fitg buna.
Giubileum da 75 onns
La Banca Raiffeisen Surselva po festivar quest onn il giubileum da 75 onns. Sco il president dal cussegl d’administraziun Ernst Sax scriva en il rapport da gestiun per 2015 è l’entschatta vegnida fatga 1941 sco « Darlehenskasse Fellers (System Raiffeisen) ». Dapi lura è bler sa mida. Ord 12 bancas pitschnas dal vitg è ina banca regiunala sa sviluppada. Pli baud era il cussegl d’administraziun anc activ en la lavur operativa, oz è el in organ strategic. La lavur operativa fan actualmain 24 collavuraturas e collavuraturs.
Da 44 sin 7'300 commembers
Ed ina midada marcanta hai dà tar ils commembers. L’onn da fundaziun veva la banca 44 commembers, la fin da 2015 7'309 commembers.
RR novitads 10:00