Siglir tar il cuntegn

Surselva Finalmain – Val survegn sia halla polivalenta

Il fanadur 2018 cumenzan las lavurs per la nova halla polivalenta a Val S. Pieder. Dapi mesemna èn quellas scrittas ora uffizialmain.

Project da la halla polivalenta a Val.
Legenda: Il spetgar ha ina fin: Val survegn bainprest ina nova halla polivalenta. MAD

Sco che l'investider Remo Stoffel ha ditg a la Südostschweiz, saja el sa cunvegnì cun la vischnanca ch'el vegnia a sa participar als custs, tut segund ils custs.

Il project vegn realisà da SAM architects e partenaris SA da Turitg. Els han gudagnà la fin da l'onn 2016 cun il project «Follow me» la concurrenza per la realisaziun da questa nova halla polivalenta.

Finanziaziun è reglada

Ils custs totals èn calculads cun circa 14,5 milliuns francs. Stoffel vegn a surpigliar stgars in terz. Cun la vendita da l'hotel Therme per 7,7 milliuns e la participaziun da Remo Stoffel è la vischnanca abla da pajar il project, malgrà ch’il chantun na dat nagins daners.

Per 14,5 milliuns survegnan ils da Val dapli che mo ina halla polivalenta. Quasi in milliun vegn investì en la nova pratica dal medi che vegn integrada en quest bajetg. En pli datti stanzas da fitness e fisioterapia, e per las uniuns datti stanzas da sedutas e la halla sezza.

Finalmain va en vigur in giavisch ch’ils da Val han dapi 30 onns.

RR novitads 07:00