Siglir tar il cuntegn

Header

audio
Emprim festival Medel
Or da Actualitad dals 22.07.2020.
laschar ir. Durada: 2 minutas 8 Secundas.
cuntegn

FestiVal Medel Fiera e concerts malgrà corona

L’uniun da giuventetgna organisescha ina festa dal vitg ils 22 d’avust: il FestiVal Medel.

Bun da s'entupar suenter il temp da Corona

Durant il di datti ina fiera cun differents stans e la sera concerts en sala da scola cun ils Galiots, Mattiu Defuns ed il terz interpret che na è anc betg fixà. L’idea da realisar l’emprim FestiVal Medel haja la suprastanza communala gì, di Danilo Giger dal comité d’organisaziun. E l’uniun da giuventetgna saja stada pronta da metter fil en guglia.

Igl è buna chaschun da vegnir ensemen gest uss suenter il temp che è stà in pau spezial.
Autur: Danilo Giger Uniun da giuventetgna Medel

Resguardar tschertas mesiras

En connex cun il virus da corona ston ils organisaturs dentant resguardar tschertas mesiras, surtut la saira durant ils concerts en sala da scola. Tenor Danilo Giger sajan las suprastanza e l’uniun da giuventetgna Medel vidlonder d’elavurar in concept da protecziun.

Nus stuain tegnair en las prescripziuns d'igiena e la saira en sala stuain nus prender si las datas.
Autur: Danilo Giger Uniun da giuventetgna Medel

RTR actualitad

Artitgels legids il pli savens