Siglir tar il cuntegn
Inhalt

Surselva Festa suenter 20 onns Neat a Sedrun

1995 avevan las emprimas lavurs per il pli lung tunnel dal mund cumenzà a Sedrun. 20 onns pli tard è quest chapitel ì a fin venderdi saira cun ina festa per la populaziun da Tujetsch.

Il schef da l'Alptransit Gotthard SA Renzo Simoni durant ses pled a la festa a Sedrun.
Legenda: Il schef da l'Alptransit Gotthard SA Renzo Simoni durant ses pled a la festa a Sedrun. RTR, H. Giger
Festa suenter 20 onns Neat a Sedrun.
Legenda: Festa suenter 20 onns Neat a Sedrun. RTR, H. Giger

En ses pled ha il schef da l’Alptransit Gotthard SA Renzo Simoni ditg che quest plazzal saja stà il pli difficil e spectacular. Els hajan stuì furar 800 meters sut terra ed alura furar en direcziun sid e nord, e tut il material ed ils lavurers hajan stuì ir tras in ascensur. Mo era per la populaziun na saja quai betg adina stà lev. I haja dà immissiuns, canera, pulvra e gas. Mo tuttina fa el in facit positiv.
Da la medema opiniun è il president communal da Tujetsch Beat Roeschlin. En mintga sectur haja il temp da la Neat dà energia, moviment e dinamica, surtut era en il sectur finanzial.

Gudogn economic

Sco l’anteriur president da Tujetsch Pancrazi Berther ha ditg ad RTR, haja la Neat purtà entradas da taglias da circa 25-30 milliuns francs, e da circa la medema summa hajan firmas, hotels ed abitaziuns profità.