Siglir tar il cuntegn

Header

cuntegn

Festa naziunala sin Rütli Judith Schnider ha represchentà la Rumantschia

La manadra dal Volg a Laax ha represchentà la Rumantschia e la branscha d'alimentaziun a la festa naziunala tradiziunala sin il Rütli. Per ella saja quai stà ina gronda onur.

Judith Schnider da Laax ha represchentà la Rumantschia a la festa naziunala tradiziunala sin il Rütli. Sco manadra dal Volg a Laax ha ella dentant er represchentà la branscha d'alimentaziun. Per ella saja quai stà ina gronda onur ed in grond plaschair. Er l'idea da discurrer sin il Rütli per tut la branscha plascha a la dunna ch'è oriundamain da Sursaissa.

audio
La Rumantscha Judith Schnider ha tegnì pled sin il Rütli
ord Actualitad dals 03.08.2020.
laschar ir. Durada: 1 minuta 57 Secundas.

Judith Schnider era ina da total 54 persunas ch'èn vegnids envidadas en la Svizra centrala per la festa naziunala. Per la presidenta da la Confederaziun Simonetta Sommaruga eroxas ed erox dal temp da corona.

video
Judith Schnider ha represchentà la Rumantschia al Rütli
Or da sil punct dals 03.08.2020.
laschar ir. Durada: 1 minuta 55 Secundas.

«In grond in cun l'auter»

Sin la dumonda, tge che vegn a restar il pli ferm dal temp da corona, manegia Judith Schnider surtut il tegnair ensemen. En l'intervista cun SRF numna ella quai «in grond in cun l'auter». Da vesair per exempel, co che l'Uniun da dunnas dal vitg ha surprendì las cumpras da glieud che na vuleva u na pudeva betg ir ord chasa, haja fatg plascher. Ins possia emprender bler or da quest temp, manegia ella.

RTR actualitad 07:00

Artitgels legids il pli savens