Siglir tar il cuntegn

Surselva Festa da chant spustada dal 2016 sin il 2017

La suprastanza dal district Surselva ha decidì che la festa da chant dal district duai esser pir l’onn 2017. La festa ha stuì vegnir spustada perquai che nagin vuleva surpigliar l'organisaziun sco ella era planisada l’onn 2016.

In purtret d'Ewald Vinzens en il studio da RTR a Glion.
Legenda: Ewald Vinzens è dapi 11 onns president dal district da chant Surselva. RTR, L. Livers

Atgnamain fiss l’onn 2016 gist l’onn da giubileum 150 onns district da chant Surselva. Uschia fissi stà pussaivel da cumbinar questa festa da chant cun il giubileum. Sco quai che Ewald Vinzens, il president dal district da chant Surselva di, na saja quai onn differenza dentant betg in problem perquai ch’ins na possia betg dir exact sche la fundaziun saja stada il 1866 u il 1867.

Tge che fa dapli quitads al president è il fatg ch’i na dat era anc betg in chor che vuless surpigliar l’organisaziun da la festa dal district per il 2017.

En buna cumpagnia

I na saja simplamain betg simpels temps per da quellas organisaziuns manegia Ewald Vinzens, ed el fa attents ch’era la festa da chant chantunala n’haja betg chattà in chor ch’organisescha la proxima festa l’onn 2018. Ed uschia manegia Ewald Vinzens ch’il district da chant Surselva saja en buna cumpagnia.