Festa d’accordeon: In regal per mintga furmaziun

Las furmaziuns che fan part a la Festa federala d’accordeon a Mustér pon mintgina prender a chasa in regal ord scalegl.

Il regal è vegnì creà da l’artista indigena Regina Giger-Caminada. Ella ha fatg en ses atelier da scalegl a Pignola sut Segnas (Mustér) las 85 sculpturas ord il crap scalegl indigen. Uschè in dumber è nunusità per l’artista. «Jau hai gì grond plaschair e da l’autra vart ma dumandav’jau, sche jau vegn da far quai sin il temp giavischà» ha ditg Regina Giger-Caminada.

Avant che far ina proposta per la sculptura ha Regina Giger-Caminada tschertgà insatge che fa la punt tar l’uniun ch’organisescha la festa e tar la festa sco tala. Cun far questas ponderaziuns ha ella vis il logo da la festa e quel haja plaschì e saja adattà per far ord scalegl. Il pli bel mument è per Regina Giger-Caminada, cura che las sculpturas vegnan surdadas a las furmaziuns che pon uschia prender cun ellas ina regurdientscha da Mustér.