Sch’ins saja en in bel lieu, lura hajan ins era l’inspiraziun per far insatge bel, di Urs Welti che fabritgescha cun ses cumpogn Ben Chick aissas da surf ord lain a Falera. Els en omadus passiunads surfists ed èn independent in da l’auter vegnids sin l’idea da fabritgar sez lur aissa.
Communablamain han els fundà la ENLAIN Factory a Falera. Cun empruvar ora hajan els lura perfecziunà lur metoda da far aissas da surf.
audio
Bunura: Far si'atgna aissa da surf
04:10 min, ord Actualitad dals 23.05.2016.
laschar ir. Durada: 4 minutas 10 Secundas.
Far sia atgna aissa da surf
Perquai ch’i saja ina experientscha tut speziala da construir sez l’aissa, porschan els a Falera en la resgia veglia curs per in e mintgin. Aifer quatter dis vegnan ils participants da construir ina aissa da surf. Tenor Urs Welti na dovria quai naginas abilitads spezialas.
Els gidian là nua ch’i fetschia basegn e sustegnian ils participants, uschia che l’assa grategia era. Tscherts pass da lavur vegnan preparads u fatgs per ils participants.
Far sez in’aissa da surf e suenter star sez sin la mar cun questa, è in sentiment ch’ins na po betg descriver.
Betg mo aissas da surf
Viver dal far e vender aissas da surf na pon Ben Chick ed Urs Welti betg. Quai na saja era betg la finamira primara. I dat dentant gia plans per schlargiar la paletta da products. Uschia vegn actualmain empruvà ora co i va il meglier da producir skis e snowboards.
Sco Urs Welti di, duessi dar l’enviern proxim ils emprims curs per far ils agens skis ubain, l’agen snowboard.
1 / 20
Legenda:
A Falera en la resgia veglia vegn fabirtgà aissas da surf.
RTR, G. Hosang
2 / 20
Legenda:
Sco emprim èsi da preparar il skelet per l’aissa.
mad
3 / 20
Legenda:
L'aissa suten da l'aissa da surf vegn preparada.
mad
4 / 20
Legenda:
Cun in indriz spezial vegn dà la furma a l'aissa ed il skelet ch'è culà lasura.
mad
5 / 20
Legenda:
Cura il skelet è culà e fixà sin l'aissa èsi da laschar setgar la cola.
mad
6 / 20
Legenda:
I dovra blers pass da lavur fin che l'aissa da surf è a fin.
mad
7 / 20
Legenda:
I dovra blers pass da lavur fin che l’aissa da surf è finida.
mad
8 / 20
Legenda:
I dovra blers pass da lavur fin che l’aissa da surf è finida.
mad
9 / 20
Legenda:
Per che la colla possia tatgar, sto l'aissa vegnir pressegiada bain sin la construcziun interna.
RTR, G. Hosang
10 / 20
Legenda:
Participants fabritgeschan aissas da surf.
RTR, G. Hosang
11 / 20
Legenda:
L'intern d'ina aissa da surf.
RTR, G. Hosang
12 / 20
Legenda:
Ben Chick è cuntent cun la lavur dal participant.
RTR, G. Hosang
13 / 20
Legenda:
I dat bler da cular.
RTR, G. Hosang
14 / 20
Legenda:
Cunzunt tar ils urs da l’aissa. La èsi da tatgar glista sin glista...
RTR; G. Hosang
15 / 20
Legenda:
... per cuntanscher la grossezza da l’aissa da surf.
RTR, G. Hosang
16 / 20
Legenda:
Fabritgar ina aissa da surf vul dir lavurar exact.
RTR, G. Hosang
17 / 20
Legenda:
Aissa da surf, producida a Falera.
RTR, G. Hosang
18 / 20
Legenda:
Aissa da surf fatga ord in anteriur baun baselgia da Falera.
RTR, G. Hosang
19 / 20
Legenda:
A Falera, lunsch davent da la mar, vegn fatg aissas da surf.
RTR, G. Hosang
20 / 20
Legenda:
Las aissas da surf ord lain fan era ina buna figura sper la mar.
mad
