Far cumissiuns dumengias e firads

Era ils indigens ora en las regiuns periferas nizzegian la pussaivladad da far cumissiuns las dumengias.

Tavla cun temps d'avertura da la butia.

Legenda da maletgs: Era sur Nadal e Bumaun èn las butias savens avertas. RTR, G. Hosang

En lieus pli gronds e da turissem èsi savens era pussaivel da far cumissiuns las dumengias ubain ils firads. I saja luxus da pudair far quai, ma i saja bun sch’ins haja emblidà da cumprar insatge. Quai mussa ina pitschna retschertga sin via da Radiotelevisiun Svizra Rumantscha. Las cumissiuns grondas na vegnan betg fatgas la dumengia.

I dat dentant era persunas che na van betg la dumengia a cumprar en. U ch’ins vul prender peda per la famiglia ni ch’igl è da lavurar sur la fin d’emna uschia ch’il temp manca. Ina persuna ha manegià che las butias hajan simplamain dà suenter a gusts da la societad che veglia mo consumar.

RR Actualitad saira 17:00