Siglir tar il cuntegn

Header

cuntegn

Fanar en Surselva Racolta da fain è avanzada

La racolta da fain en Surselva è gia fitg avanzada. Durant la davosa perioda da bell’aura ha ina gronda part dals purs racoltà igl emprim tagl. Quel è per gronda part sut la media dils davos onns.

Plievgia manca

Gia davent dal mars hai dà fitg pauca plievgia. L'avrigl è stà bel e chaud e pir il matg hai dà in zichel plievgia. Memia pauc per ina buna racolta da fain.

La racolta è sut la media. Dentant nus essan baud en il temp e forsa essan nus pli cuntents suenter il segund tagl.
Autur: Leo Derungs pur a Camuns
audio
Far fain: Grondas differenzas en Surselva
ord Actualitad dals 05.06.2020.
laschar ir. Durada: 2 minutas 46 Secundas.

Exposiziun ha in effect

Las spundas ch'èn vers nord pateschan pli pauc da la sitgira. Sin las costas suleglivas na crescha il pavel betg pli.

Il problem è che quai che jau hai segà da la vart da Vella, là n’hai dapi duas emnas betg pli pluvì e là na crescha mumentan nagut pli.
Autur: Stefan Jakob pur a Uors/Lumnezia

Sauar meglierescha la situaziun

A Ruschein ch'è sin ina costa fitg sulegliva han ils purs la pussaivladad da sauar grondas parts dals prads. Gia baud l'avrigl han ils purs cumenzà a bagnar il funs. Las differenzas èn evidentas.

Quai che jau hai cumenzà baud a sauar, gliez ha gì en fitg bler fain. Quai che jau n’hai betg savì sauar ha tut tenor exposiziun gì mo la mesadad d’auters onns.
Autur: Primus Cajochen pur a Ruschein

RTR actualitad 08:00

Artitgels legids il pli savens