Siglir tar il cuntegn
Inhalt

Surselva Falera sa decida per molocs da plastic per 230’000 francs

Sper quai ha il suveran era approvà il preventiv 2018 che quinta cun expensas ed entradas da var 6,6 milliuns francs.

Purtret vischnanca da Falera
Legenda: Vischnanca da Falera. RTR

Cun 34 cunter 13 vuschs han ils preschents dà la preferenza a molocs da plastic - a tals da betun. Uschia è il suveran suandà a la proposta da la suprastanza da Falera. Per quai han els approvà in credit da 230'000 francs. Sper quest credit ha il suveran concedì anc in segund. Per 95'000 francs vegn il mir enturn il santeri da la baselgia Sontg Rumetg sanà.

Plinavant han ils da Falera approvà unanimamain il preventiv 2018. Quel quinta tar entradas ed expensas da var 6,6 milliuns francs - cun in plus da radund 50'000 francs. E la radunanza communala da Falera ha era decidì da laschar il pe da taglia a 75 pertschient da la taglia chantunala simpla.

RR novitads 11:00