Siglir tar il cuntegn

Header

Vista dal Piz Mundaun sin il territori da skis da Sursaissa e Mundaun.
Legenda: Vista dal Piz Mundaun sin il territori da skis da Sursaissa e Mundaun. mad
cuntegn

Surselva Era pendicularas da Sursaissa e Mundaun han patì 2015/16

Las Pendicularas Sursaissa SA e Piz Mundaun SA han stuì communitgar ina digren totala communabla da 30'000 osps. Quai munta che las pendicularas han anc gì 270‘000 osps empè da 300'000 osps. Tuttina han las pendicularas savì concluder l’onn da gestiun 2015/16 cun cifras nairas.

Quai èn per omaduas pendicularas bunamain 10% pli paucs clients. Cun ina svieuta da CHF 4'555'294,02 preschentan las Pendicularas Sursaissa SA in gudogn net da CHF 170‘706,65. Las Pendicularas Piz Mundaun SA han cuntanschì ina svieuta da CHF 3'746'989,48 ed in gudogn da CHF 4'849,01.

Amortisaziuns duidas, paucas investiziuns

Malgrà che las pendicularas han fatg damain svieuta (Sursaissa in minus da ca. CHF 700’000.- / Piz Mundaun in minus da ca. CHF 400’000.-), han las amortisaziuns duidas savì vegnir fatgas tenor planisaziun. Grondas investiziuns hai dentant betg dà. La pli gronda è stada CHF 600’000 per la davosa etappa dals indriz da far naiv tranter Mrianiga e Meierhof.

Nova sutgera per CHF 15 milliuns

Per il proxim onn da gestiun ha il cussegl d’administraziun annunzia la construcziun d’ina nova sutgera per la secziun Misanenga-Untermatt-Stein, in project da circa 15 milliuns francs. Actual èn las pendicularas vidlonder da formular la dumonda da concessiun. Il cussegl d’administraziun quinta da survegnir la lubientscha enfin la primavaira 2017 e da lura savair entschaiver cun la construcziun da quella nova sutgera.

RR novitads 17:00