Siglir tar il cuntegn
Inhalt

Surselva Enavos tar la «Gasetta Romontscha»?

Il futur da La Quotidiana è malsegira. La Lia Rumantscha tschertga cun auters partenaris ina soluziun intermediara. Ina nova idea vul far in pass enavos e puspè edir ina gasetta sursilvana. Pia, enavos tar la «Gasetta Romontscha».

Legende: Video Da «La Quotidiana» enavos tar la «Gasetta Romontscha»? abspielen. Laufzeit 03:18 Minuten.
Or da Telesguard dals 23.05.2017.

Avant 20 onns è La Quotidiana vegnida lantschada sco gasetta interrumantscha. Artitgels en tut ils idioms era per Rumantsch Grischun vegnan publitgà en la gasetta quotidiana rumantscha. La Quotidiana ha però dapi plirs onns da cumbatter cun adina pli paucs abunents. E dacurt ha la Somedia, ch’è la chasa editura da La Quotidiana, communitgà ch’ella na vegn betg pli a surpigliar il deficit da 300’000 CHF ad onn. Il futur da La Quotidiana è pervia da quai uschè malsegir sco anc mai.

L’Engiadina è cuntenta cun La Posta Ladina

La Lia Rumantscha tschertga uss cun auters partenaris soluziuns intermediaras per La Quotidiana. Ina proposta fiss, dedir puspè in'atgna gasetta per la Surselva.

Tenor Johannes Flury, president da la Lia Rumantscha, han retschertgas mussà ch’ils Engiadinais èn cuntents cun la purschida da La Posta Ladina. Era ils Surmirans preferischan La pagina da Surmeir a La Quotidiana. Ed en Surselva han las organisaziuns Surselva Romontscha e Pro Idioms mussà interess per ina nova gasetta rumantscha, sumeglianta a la «Gasetta Romontscha» da pli baud.

RR actualitad 17:00