Siglir tar il cuntegn

Header

cuntegn

Surselva En tschertga da ritmus e rima

Dacurt è vegnì preschentà a Dardin il pli nov Tschespet 76. Quel cuntegna poesias dad Alexander Maissen, l’anteriur veterinari da Glion. L’um da 87 onns ha entschet pir suenter la pensiun a scriver poesias. Sia gronda passiun è dentant l’ir a spass.

L’impuls per far poesias hajan dà ad el ses pazients, ils animals ch’el ha tgirà sur 40 onns. El haja vulì dir grazia ad els. Sper ils animals ha Alexander Maissen tematisà la cuntrada, la natira, ils carstgauns, ma era problems ecologics e tendenzas negativas en la societad.

audio
Bunura: En tschertga da ritmus e rima
ord Actualitad dals 31.10.2016.
laschar ir. Durada: 44 Secundas.

Las poesias han rimas ed ina structura severa. Ellas dattan perditga da la gronda admiraziun d'Alexander Maissen per ils gronds poets sursilvans sco Giachen Caspar Muoth u Flurin Camathias.Temas moderns en vestgì vegl, ina lectura da scuvrir.

RR actualitad 08:00

Artitgels legids il pli savens