Siglir tar il cuntegn
Inhalt

Surselva Emprima festa da paun a Vuorz

Dapi trais onns vegni fatg paun a Vuorz, e quai a la moda veglia. L’iniziativa è vegnida da l’Uniun dals pasterners indigens. Sonda suentermezdi han els preschentà quai a la populaziun.

L’anteriur pasterner da Vuorz Riccardo Bertogg ha declerà ch'els fetschian paun a la moda veglia. Quai vesian ins surtut vid il furnel che saja fatg cun crap schamot. Per in bun paun dovria quai quatter chaussas, di el: Farina, aua, levon e sal; ed alura in bun ton plaschair. L’entira procedura cuzza radund 3 fin 3 uras e mesa.

Senza materias supplementaras

Sco Thomas Hasler, il president da l’uniun dals pasterners indigens di, na dovrian els betg materias supplementaras per far paun. Els fetschian mintga quindesch dis paun. Ils ultims dus dis hajan el duvrar ca. 50 kg farina salin.

Aspectaturas ed aspectaturas han pudì guardar co la pasta vegn fatga e furmada e co ils pauns vegnan mess en furnel. Els han era nizzegià la chaschun da cumprar ils pauns frestgs.

RR actualitad 08:00