Las lavurs da construcziun per la sutgera da 6 davent dad Untermatt sin il Stein han cumenzà. Cun la nova sutgera vegn dismess l'ultim impediment per la lingia directa dal territori Misanenga-Untermatt-Stein, communitgeschan las pendicularas Sursaissa SA e Piz Mundaun SA.
La nova sutgera da sis po transportar fin 2'600 persunas per ura. Construir la nova sutgera ed engrondir l'implant d'ennavaziun custa passa 10 milliuns francs. Las pendicularas Sursaissa e Piz Mundaun surpiglian mintgamai la mesadad da quests custs. Sche tut las lavurs proseguan senza incaps, vegn quintà che la pendiculara po vegnir messa en funcziun l'enviern proxim.
RR novitads 17:00
