Siglir tar il cuntegn

Surselva Elecziuns Sagogn: Be per in uffizi na datti nagin candidat

La radunanza communala elegia ils funcziunaris per ils proxim trais onns.

Il vitg da Sagogn cun vista encunter il Mundaun
Legenda: Era per ina vischnanca cun 673 abitants n'èsi betg simpel da chattar avunda funcziunaris. RTR, Linus Livers

La perioda d'uffizi a Sagogn dura trais onns ed entschaiva mintgamai l'entschatta fanadur. Demissiunà han sulettamain trais persunas, la suprastanta Marina Cavelti, ina commembra dal cussegl da scola ed ina commembra da la cumissiun da gestiun.

Per il cussegl da scola stat Teresina Jörger-Caminada a disposiziun e per la cumissiun da gestiun è Beatrix Jacomet la candidata. Per la suprastanza ha Sagogn anc chattà nagina candidata ni candidat. Hans Peter Casutt, il president da la vischnanca, quinta dentant ch'i vegnia a dar propostas ord la radunanza. El mender cas possian ins tschertgar vinavant ed eleger a la proxima radunanza il suprastant che manca.