Siglir tar il cuntegn
cuntegn

Surselva È l'Open Air Lumnezia 2016 periclità?

La surpraisa negativa è quella ch’ils organisaturs han survegnì la disditga d’in prà che fa part da l’areal dal Open Air Lumnezia.

Purtret da Norbert Cavegn
Legenda: Norbert Cavegn il president d’agl Open Air Lumnezia cumbatta per la successiun d’igl Open Air RTR, L. Livers

Senza quai prà na saja i betg pussaivel da manar atras l’ Open Air, di Norbert Cavegn, il president dal Open Air. L’Open Air Lumnezia dettia mo en quai lieu nua che el è ussa. Insatge auter na sappia el betg metter avant. Las contractivas cun il possessur che ha disdì il contract han lieu l’avust.

L'areal dal Open Air Lumnezia a Degen, gest sper la chaplutta da S. Bistgaun.
Legenda: L'areal dal Open Air Lumnezia a Degen, gest sper la chaplutta da S. Bistgaun. RTR, L. Livers

La ediziun Open Air 2015 è stada in success

Il venderdi suentermezdi è l’Open Air stà vendì ora. Ils 18'000 bigliets muntan in nov record per la Lumnezia. Ina pitschna surpraisa savess ins dir. Ils davos tredesch onns è quai betg pli sta il cas. Gie, i ha perfin dà dus onns in suenter l’auter in deficit. Quai onn da success vegni franc a gidar da curreger ils deficits dals onns vargai, ha Norbert Cavegn manegià.