Siglir tar il cuntegn

Header

Navigaziun

Ils dus giuvens Sursilvans Manuel Montalta e Livio Casutt.
Legenda: Da sanester Manuel Montalta e Livio Casutt. RTR, L. Cadonau
cuntegn

Surselva È il servetsch civil memia attractiv?

Per il schef da l’armada Andrè Blattmann schon. El ha reagi sin la decisiun dal Cussegl dals chantuns e dal Cussegl naziunal d’acceptar civilists en scolas publicas. Adina dapli giuvens sa decidan per l’alternativa servetsch civil. Ella porscha dapli libertads e temp liber.

Adina dapli giuvens sa decidan per il servetsch civil. Perquai mancan a l'armada 5500 persunas ad onn. Quai svilup fa quitads a Andrè Blattmann. El less mantegnair il dumber actual per garantir in bun servetsch. Perquai vuless el introducir clers criteris per l’admissiun al servetsch civil. Per Andrè Blattmann ston ins resguardar il principi da fairness ed introducir en il futur pli clers criteris per l’admissiun dal servetsch civil. Mo è il servetsch civil vairamain pli attractiv?

Per Manuel Montalta e Livio Casutt da Glion schon. Els han mida dal militar al servetsch civil. Per els porscha il servetsch civil la pussaivladad da decider sez tge lavur ch’els lessan far e cura ch’els han temp. Els pon eleger instituziuns en la regiun. Manuel Montalta ha fatg ses servetschs en la chasa da vegls «da casa Val Lumnezia» e Livio Casutt fa ses davos servetsch il mument en la Obere Au a Cuira. Els han pudì rimnar novas experientschas ch’els pon duvrar il futur.