Siglir tar il cuntegn

Surselva Dus novs chaus en la suprastanza da Falera

Da nov part da la suprastanza da Falera fan Sandra Chistell Omlin ed Orlando Steiner. La radunanza communala da mesemna saira ha elegì els, sco successurs da Pia Däscher-Casutt e Christian Schütz ch'avevan demissiunà.

Vista sin il vitg da Falera.
Legenda: Amortisaziuns extraordinarias da 1,3 milliuns francs ha Falera pudì far. RTR, Linus Livers

Nova commembra da la cumissiun da gestiun daventa Kristin Bonderer, ella remplazza Marc Cabrin. E Riccarda Solèr vegn elegida en il cussegl da scola, sco successura da Fabian Huonder.

Bun resultat 2017

Plinavant ha il suveran da Falera approvà cun gronda maioritad il quint 2017. Quel serra cun in gudogn da 760'000 francs - avant che far amortisaziuns ordinarias ed extraordinarias e reservas.

RR novitads 06:00