Siglir tar il cuntegn
cuntegn

Surselva Dumbrar fluras e plantas sin l’alp da Siat

Gregor Canova dal Plantahof è quels dis sin differentas alps per eruir la biodiversitad da las pastgiras. Oz è el sin l'alp da Siat.

Gregor Canova dal Plantahof sto en connex cun la nova politica agrara 2014-2017 tranter auter era chartografar l’Alp da Siat: vul dir, el sto giuditgar tge fluras e plantas che creschan sin las pastgira da questa alp. Tut tenor tge fluras e plantas che creschan là, dat quai contribuziuns per la biodiversitad.

Per simplifitgar sia lavur e pudair insumma giuditgar con biodivers ch’ina pastgira è, sch’ella è pia quai che pertutga la biodiversitad dad auta qualitad u betg, ha Gregor Canova ina glista cun 60 differentas fluras cun el. Quellas sto el tschertgar sin las pastgiras e nudar quantas ch'igl ha da mintga sort sin ina tscherta surfatscha.