Duas giadas tenda plaina cun la party da schlagher a Sedrun

Tranter auter han Francine Jordi e DJ Ötzi procurà per atmosfera da sautar e carmalà in grond public a Sedrun. ils organisaturs èn cuntents.

Laschar ir video «Impressiuns dals dis da schlagher a Sedrun»

Impressiuns dals dis da schlagher a Sedrun

0:59 min, dals 11.9.2016

Duas giadas è la tenda da festa cun plaz per 1'600 persunas vegnida emplenida la sonda e dumengia a Sedrun. Gia la prevendita avess quai emplenì la tenda ed ils bigliets ch'eran anc venals, sajan vegnids vendids tuts a la cassa da la saira. L'atmosfera saja stada buna e gnanca la plievgia da sonda saira haja pudì disfar quella, uschia Stefan Birri dal comité d'organisaziun.

Ils organisaturs quintavan cun da quai da 3'000 persunas als dis da schlagher a Sedrun. Cun ils 3'200 visitaders è quella finamira vegnida surpassada ed ils organisaturs sa mussan cuntents. L'organisaziun dals dis daschlagher ha fatg la MB Mountain Events.

DJ Ötzi

Legenda da maletgs: DJ Ötzi era a Sedrun. mad

Als dis da schlagher dals 9 e 10 da settember 2016 a Sedrun èn sa preschentads tranter auter DJ Ötzi, VoXXclub, Marc Pircher, Jungen Zillertaler, Francine Jordi, Norman Langen, Jessica Ming, Robin Marc, Matty Valentino, Pia Vanelly.

Avant bun trais mais era vegnì enconuschent ch’il dis da schlagher vegnan per lur segunda ediziun dad Andermatt a Sedrun.

RR actualitad 06:00