Donat Nay empè da Rino Darms

La radunanza da la Surselva Romontscha n'ha betg nominà Rino Darms da Cuira per ina segunda perioda d'uffizi sco suprastant da la Lia Rumantscha. Cun in cler pli han ils commembers proponì Donat Nay da Zignau per las elecziuns da l'atun.

Donat Nay da Zignau, il mistral da la Cadi ed anteriur president da la vischnanca da Trun.

Legenda da maletgs: Donat Nay da Zignau, il mistral da la Cadi ed anteriur president da la vischnanca da Trun. ANR, H. Huonder

L’atun elegia la Lia Rumantscha sia suprastanza. Ils ultims trais onns ha Rino Darms da Cuira represchentà la Surselva Romontscha en quella, dapi la stad 2013 è el vicepresident. A la radunanza generala il venderdi saira a Glion, ha el puspè candidà per quest post, respectiv per la nominaziun.

Cler votum per Nay

Or dal mez da la radunanza è dentant era Donat Nay da Zignau vegnì proponì. Cun 69 da 79 vuschs pussiblas ha Nay gudagnà cleramain la cursa cunter Rino Darms. Donat Nay è mistral da la Cadi ed anteriur president da la vischnanca da Trun.

RR novitads 07:00