Siglir tar il cuntegn

Header

Navigaziun

Il rempar per liung da la staziun a val da las pendicularas da Mustér.
Legenda: Il rempar per liung da la staziun a val da las pendicularas da Mustér. RTR, H. Giger
cuntegn

Surselva Discussiuns pervia d’in rempar

Duas dumondas han chaschunà per part viva discussiun en il cussegl da vischnanca da Mustér il venderdi saira.

Ha la vischnanca ils daners per in rempar en Val Acletta, e na stuessan las pendicularas da Mustér betg gidar a finanziar quel?

La finala protegess quest rempar il resort Catrina da l’investider ed acziunari principal da la pendicularas Marcus Weber. Ina proposta correspundenta d’in cusseglier è dentant vegnida refusada.

Pertutgant la situaziun finanziala da la vischnanca ha il president communal Francestg Cajacob ditg, che la suprastanza vegnia a sclerir questa dumonda proximamain cun in plan da finanzas.

Sto l'investider gidar a finanziar il rempar?

En connex cun la dumonda sche l’investider duess era gidar a finanziar il rempar ha Francestg Cajacob ditg, ch’els hajan gia gì questa discussiun cun las pendicularas. Pir cura ch’in project concret saja sin maisa possian els dentant contrahar.

Per il suprastant responsabel per il bajegiar ed infrastructura Iso Mazzetta èsi cler, che la vischnanca stoppia dar daners a las pendicularas. Ed el ha appellà da conceder il credit da planisaziun da 160'000 francs per il rempar en Val Acletta. Quel saja necessari per pudair ir in pass vinavant. La finala ha il cussegl da vischnanca da Mustér approva il credit.

RR Novitads 06:00