Direttissima, sur la muntogna sin la lingia dal tunnel da la Neat

La Direttissima è l'acziun da dus dis en il territori dal Gottard.

Ina gruppa da viandants e bikers è sa messa sin viadi en il sid ed ina en il nord. Els en viandads sin la ruta sur la muntogna adina cun il tunnel da la Neat suttapes.

La finala en els s’entupads entamez a Sedrun. La è stada la festa da sentupada, ina festa cun caracter da simbol. Avant duas emnas ha l’AlpTransit prendì cumià da la val Tujetsch, ed ussa han las Viafiers federalas ditg bun di.

Cun la Direttissima han ils organisaturs, l’Uffizi federal da traffic e las Viafiers federalas vulì mussar con grev ch’igl era antruras da traversar las alps e con simpel ch'igl è ussa da laschar transportar atras il tunnel.