Siglir tar il cuntegn
Inhalt

Surselva Di naziunal da viandar è stà in success

Almain 1700 persunas èn sa participadas a Mustér a l’otgavel di naziunal da viandar da la Schweizer Familie. Il directur da Sedrun Mustér Turissem, Hans Kaspar Schwarzenbach fa ina bilantscha positiva.

Suenter la spassegiada hai dà divertiment avant ed en il Center da sport e cultura.
Legenda: Suenter la spassegiada hai dà divertiment avant ed en il Center da sport e cultura. RTR, G. Hosang

«Il di naziunal da viandar è stà en plirs secturs in success», manegia Hans-Kaspar Schwarzenbach. «Uschia è segir il dumber da viandants in success», constatescha il directur da Sedrun Mustér Turissem. Ed el spera suenter quest di naziunal da viandar ch’ils bun 1’700 participants giajan a chasa cun il sentiment: «Jau hai ussa vis la part sisum da la Surselva. Ed jau hai vis ch’jau n’hai betg anc vis tut!» Uschia ch’els turnian in di puspè enavos.

Jau hai ussa vis la part sisum da la Surselva. Ed jau hai vis ch’jau n’hai betg anc vis tut.
Autur: Hans-Kaspar Schwarzenbachdirectur Sedrun Mustér Turissem

In success saja il di naziunal da viandar er cunquai ch’el haja generà pernottaziuns per la regiun. Sco quai che Hans-Kasper Schwarzenbach po dir, èn ils hotels occupads bain.

Il terz success è tenor el, la reclama. La Tamedia, l’editura da la Schweizer Familie, ha fatg en lur meds da massa gronda reclama naziunal per il di da viandar ed uschia era per la regiun.