La situaziun da concurrenza a Laax saja ils davos onns vegnida uschè gronda, ch’ella haja stuì decider da serrar las portas avant ch’i dettia sperditas, ha ditg la possessura da la stizun Heidi Camenisch-Gort a RTR.
Denner a Laax sto serrar, Denner a Flem resta
Heidi Camenisch-Gort maina sper la stizun da Denner a Laax er anc quella a Flem. Là saja la svieuta meglra e perquai restia la stizun a Flem averta
Cun serrar la stizun a Laax van a perder 1,5 plazzas e la plazza per in emprendist. Sco la possessura di, saja pussibel da surpigliar ina pitschna procentuala d’ina plazza en la stizun a Flem.
La stizun a Laax resta averta fin il davos mument, perquai che la stizun a Flem surpiglia lura l’entir inventari. Sulettamain l’inventari sco curunas e frestgeras auda ad ella sco possessura e betg al concern da Denner.
Las localitads a Laax vegnan uss scrittas ora
Las localitads nua ch’il Denner sa chatta tutgan a la vischnanca da Laax. Sin dumonda da RTR ha il president da la vischnanca da Laax Franz Gschwend detg, che la vischnanca vegnia a scriver ora questa localitad per affittar.
El deploreschia, ch'il Denner, ch'era in magnet per il center da cumpra la Cauma, serra las portas.
RR actualitad 11:00