Il president dal cussegl da scola dal consorzi da scola Sumvitg–Trun, Robert Candinas ha demissiunà avant pauc temp surprendentamain. Curt suenter ha era il manader da scola Stefan Gabriel visà sia plazza cun la fin da l’onn da scola, pia sin ils 31 da fanadur 2018.
Anc adina in tema
Nova presidenta dal cussegl da scola dal consorzi da scola Sumvitg– Trun è Erica Cavegn-Pfister da Schlans. Ella è vegnida elegida sco successura da Candinas a la seduta dal cussegl da scola dals 9 d’avrigl. Erica Cavegn-Pfister lavura en la biblioteca da l’ ETH a Turitg e fa part da la suprastanza communala da Trun.
Sco ella ha ditg ad RTR na prendia ella betg posiziun tar las demissiuns. Il cussegl da scola haja l’emna che vegn ina proxima sesida per tractar quest tema. Medemamain ha reagì Robert Candinas. E Stefan Gabriel n'è betg stà cuntanschibel per ina posiziun.
RR actualitad 12:00