Siglir tar il cuntegn

Header

cuntegn

Surselva Dapli scolars da l'exteriur en il gimnasi da Mustér

La Swiss eduGLOBE ha in nov manader da fatschenta: il scolast dal gimnasi da Mustér Ursin Defuns. El sto tgirar ils contacts cun geniturs ed era cun scolars da l’exteriur, scolars che vegnan ubain èn gia al gimnasi.

Ina da sias lavurs principalas saja da far viadis en differentas citads da la China, Namibia ed Africa dal Sid. Là s’inscuntra el cun scolas ed instituziuns che intermedieschan scolars. Plinavant visita Ursin Defuns las famiglias dals scolars ch'èn al gimnasi da Mustér u quellas famiglias che tramettan proximamain scolars. Avant che far tals viadis èsi bun da sa preparar in pau per emprender d’enconuscher la cultura estra.

Scolars da l'Africa dal sid èn stà quà
Legenda: Scolars da l'Africa dal sid èn stà quà. Ursin Defuns

Brat cultural

Ma i dat era in barat cultural, vul dir: scolars indigens van en questas terras per emprender englais e scolars da l’exteriur vegnan a Mustér per star duas fin trais emnas.

Contacts cun la Namibia

Ils dis passads èn represchentants da Swiss eduGLOBE stà en Namibia (en la citad da Windhoek). Là è il premi da la fundaziun Thomas Domenig vegnì surdà ad ina giuvna che dastga vegnir trais onns al gimnasi da Mustér.

Peter Binz communichescha la victura dal premi da la fundaziun T. Domenig
Legenda: Peter Binz communitgescha la victura dal premi da la fundaziun T. Domenig. Ursin Defuns

Swiss eduGLOBE ha era in cussegl d’administraziun che sa cumpona da l’avat Vigeli Monn, dal rectur Roman Walker e da Zen - Jiang Wang.

Artitgels legids il pli savens