Siglir tar il cuntegn
cuntegn

Surselva Dapi 10 onns «Cor el motor»

Quest onn ha la scuntrada da motos «Cor el motor» a Trun sper la Casa Depuoz lieu per la 10avla giada.

Gioni Coluccello e sia Harley.
Legenda: Gioni Coluccello e sia Harley. mad

Co organisar ina excursiun cun motor per ina persuna che sesa en ina sutga cun rodas? - Quai è stà la dumonda ch'ha fatschentà avant 10 onns Gioni Coluccello e ch'è la finala stà il punct da partenza per la sentupada da motors cun il num «Cor el motor». Spert è l'idea creschida e la finala ha el organisà ina excursiun cun motors gest per l'entira Casa Depuoz.

Discussiun al podium e chanzun speziala

L’aspect principal dal «Cor el motor» è l'integraziun e perquai ha Gioni Colucello organisà quest onn la sonda saira en il «Cinema sil plaz» a Glion ina discussiun al podium sur da quai tema. Suenter la discussiun dat la band indigena Satöry in concert e preschenta durant quai concert era in toc scrit spezial per il giubileum da 10 onns. Sa chapescha che quai toc ha num «Cor el motor».