Siglir tar il cuntegn

Header

cuntegn

Surselva Damain spurtegls e persuenter biros per cussegliaziun

Reglar ils affars bancars cumadaivlamain da chasa anora sur la rait è modern. La Banca Chantunala Grischuna emprova perquai ora a Glion in nov concept. Quel preveda damain spurtegls e dapli locals per la cussegliaziun individuala.

A Glion ha la Banca Chantunala Grischuna avert l'emprima filiala, ch’è vegnida construida tenor in nov concept. Quai concept resguardia tenor il manader da la regiun Glion, Christian Alig, la moda e maniera co ils affars bancars vegnan reglads ozendi, numnadamain sur l’internet.

Spurtegls vegnian duvrads adina pli pauc ed uschia dettia era mo pli 1 spurtegl en la nova filiala. La dumonda suenter ina cussegliaziun individuala daventi perencunter adina pli gronda e perquai disponia la filiala da plirs biros per ina tala cussegliaziun discreta.

Era ils temps d’avertura èn vegnids adattads a la dumonda dals clients. Nov resta la filiala averta pli ditg la saira, numnadamain fin las 18:00. Medemamain daventa era la cussegliaziun da clients a chasa pli impurtanta.

RR novitads 17:00

Artitgels legids il pli savens