Siglir tar il cuntegn
Inhalt

Surselva Da tut'aura ston els direger il traffic

Da direger il traffic tras il plazzal a Schluein n'è betg simpel. Dasper ils lavurers ch'èn vid lavurar sin ils plazzals, datti era quels che diregian il traffic tras ils plazzals.

Duas persunas stattan da mintga vart dal plazzal da via a Schluein. Els èn da la fatschenta Sprecher Security. Els èn en contact in cun l' auter per func. La pli gronda difficultad n' è tenor Sandro Sprecher dentant betg exnum la chalira, mabain ch' ei dovria extrem bler concentraziun. «Savens vegn quai sutvalità dals automobilists. Sin aschin plazzal sco qua a Schluein ston ins esser cheu cul chau. In pign sbagl po avair consequenzas fatalas.»

Star ruassaivel è igl A ed igl O

Tras il plazzal charreschan ils blers pulit plaun perquai ch'igl è ina via naturala cun rusnas e crappa. Las colonnas èn perquai lungas e la glieud per part pulit agitada.

Mintgatant datti era persunas che guardan in zic nausch sin quels che diregian il traffic. «Ins vign er stressads dals participants dal traffic. Certins permaleschan u schmaladeschan nus.» Igl A ed igl O saja dentant, da restar ruasseivels e da na betg sa laschar en sin disputs. Oravant tut quels che sajan savens sin via muossien dentant er engraziaivladad, sco per exempel chauffeurs da camiuns. «Per part portan quels schizun sperasvi glatschs ch' ei tegnan ord fanestra.»

Ins vegn er stressads dals participants dal traffic. Certins permaleschan u schmaladeschan nus.
Autur: Sandro Spechermainafatschenta dalla Sprecher Security

RR actualitad 11:00