Siglir tar il cuntegn
Inhalt

Surselva «da casa val lumnezia» cun in gudogn da bunamain 10’000 francs

La chasa d’attempads e da tgira ha cuntanschì l’onn da gestiun 2016 ina svieuta da 7,1 milliuns francs. La summa da bilantscha munta tenor il rapport annual a 30,8 milliuns francs.

La chasa d'attempads e da tgira "da casa val lumnezia".
Legenda: La chasa d'attempads e da tgira «da casa val lumnezia». RTR

Sco quai ch'il president dal cussegl da fundaziun Mathias Bundi scriva en il rapport annual 2016, saja il gudogn da 9’822 francs in resultat cuntentaivel. L’onn 2015 aveva la chasa d’attempads e da tgira anc cuntanschì in gudogn da 23’042 francs.

Mathias Bundi, il president dal cussegl da fundaziun.
Legenda: Mathias Bundi, il president dal cussegl da fundaziun. RTR

Las entradas totalas ord lavurs da tgira e servetschs muntan a 5’715’512 francs (2015: 6’013’246 francs) e las expensas da manaschi a 6’508’207 francs (2015: 6’394’008 francs ).

Il deficit da gestiun da 792’695 francs che resulta uschia per l’onn 2016 vegn cuvert entras in fond da subvenziuns ed ina reducziun da las reservas.

RR novitads 18:00