Siglir tar il cuntegn
cuntegn

Surselva Cuschinar tratgas da pli baud

Tatsch, amplius, raviuls u pèschs maghers. Tratgas ch’ins vesa buc pli uschè savens sin maisa en Surselva. Perquai ha il Museum da Laax envidà ad ina saira cun tratgas sco pli baud. Cuschinar, cuschinan scolaras e scolars da Laax.

La segunda superiura da Laax ensemen cun la scolasta Patricia Cadruvi cuschinan durant duas sairas per enfin 45 persunas. Las preparativa vegnan fatgas en scola, cuschinà vegn la finala sin plattas da fieu avant il museum. Quai ch’è tenor Patricia Cadruvi ina sfida.

Agid da generaziuns pli veglias

Las scolara ed ils scolars han cuschinà ina giada per el sezs las tratgas per uschia era emprender d’enconuscher ellas. Pertge las tratgas veglias n’enconuschan els strusch pli. Mo era Patricia Cadruvi ha per part stuì far retschertgas tar persunas pli veglias per pudair metter ensemen ils recepts per ils scolars.

Organisà e finanzià è questa occurenza da la Pro Laax e Cultura el liug.

RR novitads 08:00

Giudair tratgas da pli baud

Venderdi, ils 19 e sonda ils 20 da matg 2017 a partir da las 18.00 vegnan las tratgas servidas en il Museum da Laax. Il plaz è limità e perquai dovra quai ina reservaziun via telefon sin 081 920 80 71 necessaria.