Siglir tar il cuntegn

Header

Navigaziun

Ina dunna stat en ina stizun da sport avant in regal cun satgados.
Legenda: Maletg simbolic: Fatschenta da sport cun curs da l’euro fix. Keystone
cuntegn

Surselva Curs d'euro fix tar fatschenta da sport

Avant pauc dapli ch’in mais è il curs da l'euro crudà. Far vacanzas en Svizra è daventa bler pli char sur notg per giasts da l’exteriur. Sco reacziun sin quest svilup ha la fatschenta Meini Sport und Mode a Laax fixà il curs da vendita sin 1 franc e 25 raps per euro.

Cun quella acziun spera Wolfgang Gruber, il possessur da la fatschenta da sport, da pudair far dapli fatschentas.

Mo per pajament contant

Il curs da l’euro fitg favuraivel offrescha Wolfgang Gruber dentant mo a tals clients, che lessan pajar contant. Tar pajaments cun carta dad ec u carta da credit, na po el betg dar quest curs. Là stoppia el sa tegnair vid il curs che las bancas fixeschan. L’acziun vala dal rest era per clients svizzers, che lessan pajar cun euros.

Ils euros che Gruber incassa uschia, dovra el per pajar ses furniturs da l’exteriur. Uschia na sto el betg midar ils euros en francs svizzers

Bunas reacziuns dals clients

Blers clients èn da l’opiniun, che quai saja ina buna acziun. Cunzunt ils clients da l’exteriur han plaschair. Quai curs saja ina buna surpraisa, che gidia da mitigiar il schoc dal curs da l’euro. Meini Sport und Mode offreschan il curs da l’euro spezial anc enfin la fin da favrer.